HARRI SEDIMENTARIOAK etiketadun mezuak erakusten. Erakutsi mezu guztiak
HARRI SEDIMENTARIOAK etiketadun mezuak erakusten. Erakutsi mezu guztiak

2014(e)ko apirilaren 29(a), asteartea

URBASAKO KAREHARRIAK




Kareharri hau Urbasan jasotakoa da, Nafarroan. Eozeno garaikoa da. Bertan argi beha daitezke fosilak (Nummulitak, itsasoan bizi ziren foraminiferoak), hurrengo argazkian ikusten den bezala...


Mendilerroko goiko aldean jasotakoa da, bertatik Urederreko iturburua dagoen aldea ikus daitekeelarik.


(www.enciclopedianavarra.com)




Urbasako Parke Naturalari buruzko informazio geologiko gehiago loturan daukazue.

2014(e)ko apirilaren 13(a), igandea

ZEMENTATUTAKO HONDARTZAKO HARRIAK


Konglomeratua (Pudinga)

Tunelbolka (Getxo, Bizkaia)


Hareharria 

Tunelboka (Getxo, Bizkaia)



Pudinga eta hareharri hauek Getxoko Tunelboka hondartzan hartuak dira.   
Tunelboka hondartza berezia da, itsasora botatako hondakin industrialak bertara heldu baitira, eta horrela sortutako sedimentuak zementatuta daude gaur egun. 
Aurkitzen ditugun harriak konglomeratuak eta hareharriak dira, baina harri hauek osotzen dituzten aleetan ladreilu edo errauts industrialen zatiak ikus daitezke.










Tunelboka hondartzari buruzko infomazio gehiago nahi izanez gero, lotura honetan irakur daiteke.


2013(e)ko abenduaren 26(a), osteguna

BARRIKAKO SILEXA


Silexezko nodulua 

Barrika (Bizkaia)

Barrikako itsas labarrean Goi kretazikoko harriak agerian daude. Haien artean kareharriak, barruan silexko noduluak dituztenak. Nodulu hauek prozesu diagenetikoen bidez sortuak izan ziren. 


Inguru hau egitura geologikoak ikertzeko ere leku aproposa da, akordeoi formako tolestura hauek, adibidez, bertan ikus daitezke...




2013(e)ko abenduaren 25(a), asteazkena

BARRIKAKO KAREHARRIA



Kareharria 

Barrika (Bizkaia)

Hona hemen Barrikako hondartzan jasotako kareharria. 
Goi kretazikako harria da eta bertan ikus daiteke zartaduretan birkristalizatutako kaltzita.


Barrikako hondartza

2013(e)ko azaroaren 19(a), asteartea

GETXOKO HAREHARRIA


Hareharri karbonatu hauek Getxoko Portu Zaharreko amaieran ikusten dira. Harri horixkak dira eta Eozenoan sortuak (orain dela 50 urte)
Daukaten ezaugarririk nabarmenena hutsune esferikoen presentzia ugaria da. Hauek zenbait dezimetroko diametroa daukate eta burdinazko geruza batez inguratuata daude. Hutsune edo Taffoni hauen jatorria zera da, nukleo baten inguruan burdinazko mineralak prezipitatzen dira eta eragile metereologikoen eraginez ezberdin higatzen dira, burdinazko mineralak oxidatzen baitira. Nodulua desagertzen da eta hutsunea gero eta handiagoa egiten da.